КIуэкIуэ Махъты и щIалэхэм я текIуэныгъэхэрУрысей Федерацэм и лъэпкъхэм я зэкъуэтыныгъэр гъэбыдэным, щIалэгъуалэр физкультурэмрэ спортымрэ дегъэхьэхы- ным хуэунэтIа зэхьэзэхуэ алыдж-урым бэнэкIэмкIэ иджыблагъэ щекIуэкIащ Дзэлыкъуэкъуажэ. Абы хэтащ бэнакIуэ ныбжьыщIэу 150-м нэблагъэ.
Зэхьэзэхуэм кърикIуахэр зэхалъхьэжа нэужь текIуэныгъэхэр къэзыхьахэр ягъэбелджылащ - апхуэдэхэр 75-рэ мэхъу. Япэ увыпIэр къахьащ бэнакIуэ 25-м, етIуанэр - 23-м, ещанэр - 27-м. Абыхэм псоми медалхэмрэ щIыхь тхылъхэмрэ иратащ.
Къыхэдгъэщынщи, зэхьэзэхуэм хэтащ КIуэкIуэ Махъты и къуэхэу Темболэт, Къасболэт, Бекболэт, Къантемыр сымэ икIи абыхэм я хьэлъагъ елъытауэ щыбэна гупхэм дыщэ медалхэр псоми къыщахьащ. Ар дэтхэнэ зы адэм и дежкIи гуфIэгъуэшхуэщ икIи гухэхъуэщ.
Зэкъуэшхэм я тренер Мырзэкъан Заур абыхэм я адэ Махъты гуапэу ехъуэхъуащ щIалэ нэсхэр къызэригъэхъум, я къэкIуэным егупсыс зэпыту абы зэрытелажьэм, хьэл-щэн дахэхэр зэрахилъхьэм, спортым зэрыдригъэхьэхым папщIэ.
Поделиться: ЧИТАТЬ ТАКЖЕ:
|