ЩэкIуэгъуэм и 20-м Iуащ­хьэмахуэ зыгъэпсэхупIэм бгыщхьэм лъэрыжэкIэ къе­жэ­хыныр къы­щызэIуахащ. Кавказ.РФ Iуэ­хущIапIэм и унафэщIхэм я гъусэу, КъБР-м и Iэтащхьэ КIуэкIуэ Казбек абы зы­хуэ­зы­гъэ­хьэзыра зы­гъэп­сэ­ху­пIэм и турист ухуэ­ныгъэхэм я Iуэху зыIутым зыщигъэ­гъуэ­защ. 

Дунейр уэфI хъумэ, къытпэщылъ тхьэмахуэм, щэкIуэгъуэм и 21-м, метр 3455 - 3847-кIэ хым щхьэщыт «Мир-Гарабаши» кIапсэ гъуэгум и ещанэ къудамэм лэжьэн щIидзэнущ. 
Мурад зэращIэм тету, кIап­сэ гъуэгухэм я станцхэм гъэ­лъэгъуапIэрэ сурэт зытрегъэхыпIэрэ иIэнущ. 
Мыгувэу къызэIуахынущ автотранспорт 800-м нэс зэ­ры­хуэну гъэувыпIэр. Азау псы­хъуэм кIуэну автобусхэр гъуэгум трагъэувэнущ. 
 КъежэхыпIэ лъагъуэу километр 17-м нэс щызэрагъэпэщащ Iуащхьэмахуэ. Ахэр дунейм и щытыкIэм елъытауэ ягъэлэжьэнущ. Сабийхэм папщIэ лъэрыжэ гъуэгущIэхэри ящI, бугель IэмалкIэ удэзышей Iэмэпсымэ хэту. 
2024 гъэм иджыри кIапсэ гъуэгуитIрэ лъэрыжэкIэ къы­щыбжыхь хъуну, километрих зи кIыхьагъ лъагъуэрэ яутIып­щынущ.