«Спортыр наркотикым и бийщ» къыхуеджэныгъэм щIэту щIы­налъэхэм атлетикэ псынщIэмкIэ я зэхьэзэхуэ иджыблагъэ Бахъ­сэнёнкэ къуажэм щекIуэкIащ. Спортсменхэр зэпеуащ гъущI бжы папцIэмрэ жэз хъурей пIащIэмрэ дзынымкIэ. 

Зэхьэзэхуэм хэтащ Къэбэрдей-Балъкъэрым СпортымкIэ и министерствэм Олимп джэгухэм хэтыфынухэр щагъэхьэзыр и  спорт еджапIэм и гъэсэнхэр икIи ­ехъулIэныгъэфIхэр къагъэлъэ­гъуащ. 
Бжыр нэхъ жыжьэ дзынымкIэ щIалэхэм я деж етIуанэ щыхъуащ ХьэкIагуэ Азэмэт, хъыджэбзхэм ящыщу япэ увыпIэр къихьащ ­Шакъ Залинэ, етIуанэ хъуащ Ца­гъуэ Саидэ.
Жэз пIащIэр дзынымкIэ Тхьэ­мытлIокъуэ Арсен япэ, Щхьэгъум Залым етIуанэ, Шублакъ Руслан ещанэ хъуахэщ. 
Хъыджэбз цIыкIухэм я деж Шакъ Залинэрэ Цагъуэ Саидэрэ ­етIуанэ, Щоджэн Рианнэ ещанэ увыпIэр къыщахьащ. 

БЭТОКЪУЭ  Алыдж.