Росгвардияны КъМР-де Управлениясыны таматасыны къуллугъун Сергей Васильев толтурлукъдуРФ-ни Миллет гвардиясыны КъМР-де Управлениясыны башчысыны къуллугъун болжаллы халда Сергей Васильев толтурлукъду. Ол алгъын Росгвардияны Къарачай-Черкесде бёлюмюню СОБР-уна таматалыкъ этгенди. Ведомствону алгъыннгы башчысы полицияны полковниги Макытланы Мусса уа башха ишге кёчюрюлгенди.
Управленияны коллективин жангы башчылары бла Шимал-Кавказ округну командующисини орунбасары Михаил Романов шагъырей этгенди. Ызы бла Сергей Васильев КъМР-ни Башчысы Юрий Коков эмда УФСБ-ны таматасы генерал-майор Сергей Воронин бла да тюбешгенди. Полицияны полковниги Сергей Станиславович Васильев 1970 жылда Челябинскде туугъанды, 2002 жылда РФ-ни МВД-сыны Ростовда юридический школун бошагъанды, 1993 жылдан бери Къарачай-Черкесни право низамны сакълаучу структураларында къуллукъ этгенди. Къуралгъан аманлыкъчы къауумлагъа къажау оперуполномоченныйден КъЧР-де Росгвардияны СОБР-уну командирине дери ёсгенди. Мужества Орден бла эки кере, «Ата журтну аллында къыйыны ючюн» Орденни 1-чи эм 2-чи даражасыны майдалы бла саугъаланнганды. ОВД-ны сыйлы къуллукъчусуду, «КъЧР-ни сыйлы юристи» деген ат да аталгъанды. Юйдегилиди.
Поделиться: ЧИТАТЬ ТАКЖЕ:
|