Урысей гвардием и къудамэ щхьэхуэу Шэджэм районым щыIэм  щекIуэ­кIащ ОМОН-м и махуэр гъэлъэпIэным теухуа гуфIэгъуэ зэхыхьэ. Къызэ­хуэсахэм я махуэшхуэмкIэ ехъуэхъуащ Урысей гвардием и управленэу КъБР-м щыIэм и унафэщI, полицэм и полковник Васильев Сергей.

КъулыкъущIэм зауэлI­хэм фIыщIэ яхуищIащ лIыгъэ яхэлъу я къалэн мытыншыр зэрырахьэкIым папщIэ. ЖиIащ Лъэпкъ гвардием къулыкъу щызы­щIэну хуейуэ къахыхьэхэми хабзэфIхэм адэкIи  зэрыпащэнур, хабзэхъумэхэм яку дэлъ зэкъуэш зэкъуэтыныгъэр зэрагъэбыдэнур и фIэщ зэрыхъур.
- Фэ щIыхь пылъу фогъэзащIэ пщэрылъ къыфщащIахэр. ЗэманыщIэм дэ псоми ди пащхьэ кърегъэувэ къалэныщIэ гугъухэр, ауэ сэ шэч къытесхьэркъым фэ сыт хуэдэ гъэу­нэхуныгъэми фызэрыхуэ­хьэзырым. Си гуапэщ ехъу­лIэныгъэщIэхэр зыIэрывгъэхьэну, узыншагъэ быдэ, фIыгъуэ фиIэну, - къыхигъэщащ Васильев Сергей.  
КъыхэжаныкIа лэжьакIуэхэм иратащ къэрал дамыгъэхэр, щIыхь, фIыщIэ  тхылъхэр. 
ЗэIущIэм и кIэухыу IэнатIэ хэхам и унафэщIхэмрэ гупымрэ, я лэжьэгъу хэкIуэдахэм я фэеплъым пщIэ хуащIу, дакъикъэкIэ щым­ри, мемориалым деж удз гъэгъахэр щагъэтIылъащ. 

ДЫГУЛЫБГЪУ  Жантинэ.