Нальчикни 44-чю номерли сабий садында «Ачыкъ жюрек эмда огъурлу сёз бла» деген акция озгъанды. Аны мураты абадан тёлюню жарсыуларына эс буруу, алагъа хурмет бериу бла байламлыды. Тамата эмда  мектепге хазырлагъан бёлюмлеге жюрюгенчикле аппаларына бла ынналарына кеслерини къолчукълары бла саугъала жарашдыргъандыла.

Юйретиучюле бла сабийле, андан сора да, социал магъаналы листовкала хазырлагъандыла.  Аланы уа Ленин атлы орамда ары-бери озгъан адамлагъа юлешгендиле. Ала дагъыда ишлеген суратларындан кёрмюч, назму окъуула да къурагъандыла. Алай бла уа садикде ишлегенле ёсюп келгенчикле абадан тёлюню хурметлерге, жандауурлу да болургъа юйренириклерине къайгъырадыла.

Трамланы Зухура.