Нальчикде «Маяк» санаторийни башчысы Мамайланы Галинаны башламчылыгъы бла 24 сентябрьде «Синдика» къонакъ юйде аш-азыкъны байрамы ётгенди. Къонакъланы санында уа КъМР-ни курортла эмда туризм министри Мурат Шогенцуков эм башхала бар эдиле, деп билдиргендиле «Иш кёллю Россей» жамауат организацияны бизни республикада бёлюмюнден.

Ашха  усталаны «Татыулу санаторий» деген ат бла бардырылгъан эришиуюне «Маяк», «Грушевая роща» эм «Горный родник» учрежденияланы эмда «Синдика» къонакъ юйню къауумлары къатышхандыла. Ала  кеслерини эмда ишлеген жерлерини юслеринден хапарлагъандыла, соруулагъа жууапла бергендиле, миллет ашла хазырлагъандыла.
Алай бла биринчи жерге «Грушевая роща» санаторий чыкъгъанды. «За попадание в «яблочко» деген кубок бла «Маяк» учрежденияны къаууму саугъаланнганды. «Синдика»,. «Горный родник» санаторий тюрлю-тюрлю  саугъалагъа тийишли болгъандыла.