Алгъаракъда биз РФ-ни Байрагъыны кюнюн белгилегенбиз. Ол кюн Сюд приставланы федерал службаларыны республикада управленияларында да къууанчлы жыйылыу къуралгъан эди, анда ишлеринде жетишимли болгъан приставла саугъаланнгандыла, чынла берилгендиле.

Жыйылыуну управленияны таматасы Къабарты-Малкъарны баш сюд приставы ич службаны полковниги Бауаланы Ахмат ачханды. «Биз деменгили къыралны инсанлары болгъаныбызны шагъатыча, мамыр, эркин, кючлю къыралыбызны байрагъы шууулдасын. Жюреклерибизде Россей, байрагъыбыз, миллетибиз эм туугъан шахарыбыз ючюн ёхтемлик ёчюлмесин. Байрам бла алгъышлайма хурметли шуёхларым, Россейни Байрагъыны кюню бла!» - дегенди ол.

Приставланы патриот жырлары бла «Хрустальные звёздочки» битеуроссей эришиуге къатышхан Милана Вологирова, Алина Тхабисимова бла Ариана Куршева къууандыргъандыла.