Шимал Кавказда саулукъларында чекленнген онглары болгъан адамланы солууларын къурауну юсюнден «тёгерек стол» болгъанды, анга Россейни 10 регионуну келечилери, турфирмаланы башчылары, гидле къатышхандыла, деп билдиредиле республиканы Курортла эм туризм министерствосундан.

 Къабарты-Малкъарны атындан жыйылыугъа курортла эм туризм министрни орунбасары Асланби Шхагапсоев баргъанды. Ушакъланы кезиулеринде шахарлада бла турист объектледе сакъат адамланы тынч болумла бла жалчытыуну юсюнден оюмла ачыкъ этилгендиле. Нальчикни юсюнден айтханда, анда иги жанына тюрлениуле болгъанларын, алай алыкъа эс бурурча затла да къалгъанлары айтылгъанды.

Юлгюге, санаторийлерибизде багъыу, саулукъ кючлеу бийик даражадыда, алай кеслери жюрюялмагъан адамлагъа алада жумушларын толтурургъа къыйынды. Жыйылыуда башха башламчылыкълагъа къараллыгъы да белгиленнгенди.