Иджыблагъэ лэжьыгъэ IуэхукIэ Налшык къэкIуауэ щыIащ Москва къалэм и Правительствэм Лъэпкъ IуэхухэмкIэ и Советым хэт, Урыс щIэныгъэмкIэ, егъэджэныгъэмкIэ, гъуазджэмрэ щэнхабзэмкIэ академием и академик, Москва къалэм и Журналистхэм я зэгухьэныгъэм хэт, Урысейм ис лъэпкъхэм я урысейпсо жылагъуэ зэгухьэныгъэм и унафэщI Тагашев Сергейрэ Москва и Къэрал Думэм и депутат, «Урысейр си унэщ, си унагъуэщ» Iуэхур зи жэрдэм, ар зи унафэм щIэту екIуэкI Мельниковэ Ольгэрэ.

Ахэр ди щIыналъэм щыIущIащ «Урысейм и щэнхабзэ фронт» зэщIэхъееныгъэм Iуэху иным Къэбэрдей-Балъкъэрым щиIэ къудамэм и унафэщI, КъБР-м гъуазджэхэмкIэ щIыхь зиIэ и лэ­жьакIуэ, академик, ЮНЕСКО-м хэт, Дунейпсо Артийскэ комитетым и унафэщIым и къуэдзэ Бейтыгъуэн Iэуес.
Ахэр тепсэлъыхьащ псэкупсэ гъэсэныгъэр гъэбыдэным, унагъуэм исхэм яку дэлъ зэхущытыкIэр егъэфIэкIуэным теухуа стIол-хъурей ди щIыналъэм къызэрыщызэрагъэпэщынум, «Урысейр си унэщ, си унагъуэщ» фестивалыр зэрагъэхьэзырынум.
А зэIущIэм Бейтыгъуэн Ауес «Земля предков» фIэщыгъэм щIэту иджыблагъэ къыдигъэкIа усэ тхылъыр хьэщIэхэм тыгъэ яхуищIащ, икIи абыхэм ехъуэхъуащ Урысей Федерацэм дежкIэ мыхьэнэ ин зиIэ Iуэхур къайхъулIэну.

Щомахуэ Залинэ.