Си хэкуэгъу лъапIэхэ! Урысей Федерацэм и Къэрал ныпым и махуэмкIэ сынывохъуэхъу! Нобэ пщIэ хэха худощI ди къэралым гербымрэ гимнымрэ я гъусэу къэралыгъуэмрэ щхьэхуитыныгъэмрэ я дамыгъэ нэхъыщхьэу щыт и ныпым. Къэрал ныпыр и нэщэнэщ Урысейм ис лъэпкъ зэмылIэужьыгъуэхэм я зэкъуэтыныгъэ быдэм, ахэр Хэкум зэрыхуэпэжым, къэралым и нобэмрэ къэкIуэнумрэ щхьэкIэ жэуап зыхь дэтхэнэ зыми я зэгурыIуэныгъэмрэ зэкъуэтыныгъэмрэ. Аращ лъабжьэ хуэхъур къыдэкIуэтей щIэблэр хэкупсэу къэгъэхъуным, къэралым и цIыхуу зэрыщытыр хьэкъ щыщIыным, Урысейм и тхыдэм пщIэ хуащIыу егъэсэным, Хэкур адэкIи тхъумэн хуейуэ уэсят къытхуэзыщIа ди адэжьхэм я текIуэныгъэм.

Зэманым къытхуигъэув лъэпощхьэпохэмрэ гугъуехьхэмрэ дыщыхэт мы лъэхъэнэм а хъугъуэфIыгъуэхэм нэхъри жыджэрагъ къытхалъхьэ ди къэралым и лъэпкъ щхьэхуэныгъэхэр тхъумэнымкIэ, къэралыгъуэ лъэщ, уардэ хъуным ди къару етхьэлIэнымкIэ.

Си фIэщ мэхъу ди Хэкум и зыужьыныгъэмрэ зэIузэпэщыныгъэмрэ едгъэфIэкIуэнымкIэ Урысейм и Къэрал ныпым нэхъыбэжым дызэрытригъэгушхуэнур. Сигуми си псэми къабгъэдэкIыу Къэбэрдей-Балъкъэрым щыпсэухэм узыншагъэ быдэ, гурыфIыгъуэ, ехъулIэныгъэ яIэну сохъуэхъу.