АДЫГЕЙ. Республикэм и Iэтащхьэ Къум­пIыл Мурат Адыгейм и Лъэпкъ музейм щаIущIащ дзэм къулыкъу щы­зыщIэхэм я анэхэмрэ я щхьэгъусэхэм-рэ. Кърагъэблэгъахэм иратащ «Адыгэ Республикэм и ЛIыхъужьхэм я щхьэ­гъу­сэхэр» сурэт альбомхэр. ЗэIущIэм щытеп­сэлъыхьащ дзэм къулыкъу щызы­щIэ­хэмрэ абыхэм я унагъуэхэмрэ защIэгъэкъуэным, жылагъуэ-хэкупсэ зэщIэ­хъе­еныгъэхэм зегъэужьыным ехьэлIа Iуэхухэм.

Зи гугъу тщIы альбомыр ягъэхьэзырри къыдагъэкIащ щIыналъэм и Iэтащхьэм и жэрдэмкIэ. Абы хыхьащ республикэм и цIыхубз плIыщIым, мы зэманым дзэ Iуэху хэхар щекIуэкI щIыпIэхэм щыIэ я щхьэ­гъусэхэм я фащэ екIухэр ящыгъуу зытрагъэха сурэтхэр. Дэтхэнэ сурэтми щIыгъущ бзылъхугъэхэм  я щхьэгъусэхэм хуагъэхьа письмохэри.
КъумпIыл Мурат къыхигъэщащ апхуэдэ хэкупсэ Iуэхухэмрэ проектхэмрэ мыхьэнэшхуэ зэраIэр, дзэм къулыкъу щызыщIэхэр дэIыгъынымрэ жылагъуэр къуэтынымкIэ.
ЩIыналъэм гулъытэшхуэ щыхуащI мы зэманым Хэкум и щхьэхуитыныгъэр зы­хъумэхэмрэ абыхэм я унагъуэхэмрэ сыт и лъэныкъуэкIи защIигъэкъуэным. Мэкъуа-уэ­­гъуэм къыщыщIэдзауэ а лэжьыгъэр зэщIегъэуIуэ «Хэкум и хъумакIуэхэр» къэ­рал фондым республикэм щиIэ къудамэм. НобэкIэ абы зыхуагъэзащ цIыху 400-м нэ­сым.