АдэкIи зэдэлэжьэнущ

9 августа, 2023 - 08:07

КЪЭРЭШЕЙ-ШЭРДЖЭС. Республикэм и Iэтащхьэ Темрезов Рашид хуэзащ КъШР-м лэжьыгъэ IуэхукIэ къэкIуа, Кемеровэ областым и губернатор Цивилев Сергей.
Темрезовым хьэщIэ лъапIэм фIыщIэ хуищIащ куэд щIауэ я зэхуаку дэлъ сату-экономикэ зэпыщIэныгъэхэм зэрызиужьым папщIэ. Апхуэдэуи ехъуэхъуащ иджыблагъэ Кемеровэ областым и къэралыгъуэр илъэс 80, Кузбасс илъэс 300 зэрырикъуамкIэ.
«Цивилев Сергейрэ сэрэ дэтIыгъащ сату-экономикэ, щIэныгъэ-техникэ, щэнхабзэ, нэгъуэщI лъэныкъуэхэмкIи зэдэлэжьэнымкIэ Къэрэшей-Шэрджэсымрэ Кемеровэ областымрэ я Правительствэхэм зэращIылIа зэгурыIуэныгъэщIэр.
Дэфтэрым мыхьэнэшхуэ зиIэ и Iыхьэщ щIыналъэхэр промышленностым, туризмэм, социальнэ унэтIыныгъэхэм щызэдэлэжьэныр. Си фIэщ мэхъу ди зэхуэзэр Къэрэшей-Шэрджэсымрэ Кузбассымрэ я зэпыщIэныгъэм къаруущIэ зэрыхуэхъунур, къэралым дежкIэ мыхьэнэшхуэ зиIэ Iуэху щхьэпэхэр зэфIэхынымкIэ», - щитхащ Темрезов Рашид и телеграм-каналым.
УЭРДОКЪУЭ Женя.

  • 18 просмотров

Поделиться:

ЧИТАТЬ ТАКЖЕ:

09.05.2024 - 16:58

ПУТИН ВЛАДИМИР И КЪУЛЫКЪУМ ПЭРОХЬЭ

Путин Владимир Урысейм и Президент къулыкъум иджы етхуанэу пэрыуващ, хэхыныгъэхэм щытекIуа нэужь. А Iуэхум иращIэкIа зэхуэсышхуэр сыхьэтым нэблагъэкIэ екIуэкIащ.
09.05.2024 - 15:02

ЗАУЭМ И БЫНХЭМ ГУЛЪЫТЭ ХУАЩIУ

Налшык дэт къэрал концерт гъэлъэгъуапIэм щекIуэкIащ ТекIуэныгъэм и махуэшхуэм теухуа пшыхь.
09.05.2024 - 09:03

ШАБЗАУЭХЭМ Я ЗЭФIЭКIЫР

Ростов областым хыхьэ Таганрог къалэм иджыблагъэ щекIуэкIащ Кавказ Ищхъэрэм и щIыналъэхэм я шабзауэхэм я чемпионатрэ пашэныгъэр къыщыхьыным хуэунэтIа зэхьэзэхуэрэ.
09.05.2024 - 09:03

ЗАУЭЛIЫМ ДЕЖ ХЬЭЩIАПIЭ

Хэку зауэшхуэр зэрыувыIэрэ илъэс 79-рэ зэрырикъум ирихьэлIэу Къэбэрдей-Балъкъэрым Iуэхугъуэ зэмылIэужьыгъуэ куэд щекIуэкIынущ.
08.05.2024 - 09:25

БАГЪ ИДАРРЭ БЕКЪУЛ МИЛАНЭРЭ ЕВРОПЭПСО ЗЭПЕУЭМ МАКIУЭ

Сербием и къалащхьэ Белград накъыгъэм и 9 - 12-хэм щекIуэкIынущ Европэм тхэквондомкIэ (ВТФ, Олимп джэгухэм хыхьэмкIэ) и чемпионат.