«Петровский» творчествэ центрым иригъэкIуэкI «Голоса России» Iуэхум хыхьэу, КIыщхэ Ислъамрэ Каринэрэ ягъэзэщIащ «Махуэхэр макIуэ» адыгэ цIыхубэ лъагъуныгъэ уэ­рэдыр. КъыжыIапхъэщ, нэхъапэIуэкIэ зи гугъу ныф­хуэтщIа «Куда пое­хать» Iуэхури а центрым и жэрдэму зэрыщытыр.

«Голоса России» Iуэхум и къызэзыгъэпэщакIуэхэм  я мурадщ Урысейм щып-    сэу лъэпкъхэм я макъамэм, зэрыхъукIэ, нэхъыбэу щагъэгъуэзэну. Уэрэ­джыI­а­кIуэ­­хэм ягъэзащIэр зэманым пхыкIыу къагъэ­щIэ­рэщIэжа цIыхубэ уэрэдхэр. Артистхэм я зэфIэкIыр зигу дыхьэхэр ахэр щыпсэу ­щIыналъэм зыщрагъэп-­лъыхьыну, щэнхабзэм, макъамэ гъуазджэм щагъэ­гъуэзэну кърагъэблэгъэну я мурадщ.
НэхъапэIуэкIэ зэщхьэ­гъусэхэр хэтащ «Новая звезда» урысейпсо телепроектым, «9 волна» теленэ­ты­ным, «Первый свет» (Но-        во­рос­сийск), «Город» (Чер­кесск), «Доброе утро, Ка­бардино-Балкария» (Нал­шык) теленэтынхэм, «Проверка на прочность» Iуэхум, зэпеуэ, фестиваль зэмылIэужьыгъуэхэм. КIыщ­хэ Ислъамрэ Каринэрэ я студие яIэжщ, ­альбом зыбжани къыда-гъэ­кIащ. Абыхэм иджырей эстрадэ уэрэдхэм къи­щы­нэмы­щIауэ, цIыхубэ уэрэдхэми  гулъытэ  хуащI. Абы­хэм ящыщщ куэдым ягу дыхьэ «ИстамбылакIуэ», «Iуащ­хьэмахуэ» цIыхубэ уэрэд­хэр. Уэрэ­джыIакIуэ цIэры­Iуэхэм республикэм ще­кIуэкI щэнхабзэ, гъуазджэ зэхыхьэхэр ягъэдахэ.
- Адыгэ уэрэдхэр гъэзэ­щIэ­ныр тIэкIу къызэгу­гъуэкIми, псалъэхэр зэз-гъэ­щIэнымкIэ Ислъам къыздоIэпыкъу. Аращ ди лэжьыгъэр щIэкIуатэр, - жеIэ Каринэ. - ДяпэкIи зыдужьыну, ди лэжьыгъэм щIэ гуэрхэр хэтлъхьэну, ди уэрэдхэр фIыуэ зылъа­гъухэм дахуэупсэну ди мурадщ!