Мазэ ныкъуэ гуэлХьэрып Эмират Зэгуэтхэм и пшахъуэщIхэм узытхьэкъу теплъэхэр зиIэ гуэлхэм ущрохьэлIэ. Абыхэм я нэхъыбэр IэрыщIщ, апхуэдэу щытми, пхуэмыIуэтэщIэным хуэдиз зи дахагъ гуэлхэр къэралым зыплъыхьакIуэ кIуэхэм япэу зрагъэлъагъуну зыщIэхъуэпсхэм ящыщщ. Дубай пшахъуэщIым ику дыдэм хуозэ мазэ ныкъуэ теплъэ зиIэ гуэлыр. Абы и щIыналъэм зы километр зэбгъузэнатIэ къызэщIеубыдэ, щIыпIэр нэхъыбэу зи хэщIапIэр бзухэмрэ псэущхьэхэмрэщ. Псом хуэмыдэу мыбдеж зыщагъэпсэхуну яфIэфIщ щIыналъэм щыпсэухэу машинэкIэ пшахъуэщIым къыщыкIухьыным дихьэххэм, сыт щхьэкIэ жыпIэмэ щIыпIэр тыншу икIи хуиту зырызыбгъэпсэхуным хуэщIащ. Мазэ ныкъуэ гуэлым и дахагъ псор щызыхэпщIэр уафэгум лъагэу уиту укъеплъыхмэщ. Апхуэдэ Iэмали яIэщ зыплъыхьакIуэхэм - хьэуам къызэрыщалъэтыхь шархэмкIэ уэгум урахьэнурэ гуэлым укъыхагъэплъэнущ.
Поделиться: ЧИТАТЬ ТАКЖЕ:
|