Ашларын-сууларын сыйлагъанлагъа ыспас этерчады. Тула шахарда бир сейирлик эсгертме барды. Ол тюз да шахардагъы кремльни къатындады. Эсгертме Тула пряникгеди. Бу суратны алдыра туруп, эсиме келген эди бизни Рекордла китабына тюшген хычинибиз, къош къалач, жалбауур да… Барына салынмай эсе да, хычиннге быллай бир зат болса, иги иш этиллик эди.
Кёчгюнчюлюкню 70-жыллыгъына атап, Къазахстаннга бла Къыргъызстаннга баргъаныбызда, анда жашагъанлагъа, ол къыйын кезиуде билеклик этгенлери ючюн ыразылыгъын билдире, кёнделенчи Тёппеланы Ханапий тандыргъа эсгертме салыргъа керегин айтхан эди, анда биширилген гыржындан татыулу зат ашамагъанын да черте. Таула, таулула бла тенг жаратылгъан хычин да аллай сыйгъа тийишлиди.

Мамайланы Алий.