АВТОМАШИНА САТАРГЪА НЕДА АЛЫРГЪА СЮЙГЕНЛЕГЕ ЖЕНГИЛ АМАЛАвтомашинаны сатаргъа неда алыргъа сюе эсегиз, къагъытда келишимге къол салып айланмагъыз. Аны Госуслуги къырал порталда онлайн халда жарашдырыргъа боллукъду. Электрон келишимни кючю тюз къагъыт документдеча аллайды. Аны бла ГИБДД-да регистрацияны ётерге да жарайды. Бу амалны бир игиси, алыу-бериуге къатышханла бир-бирлери бла тюбешип айланмазгъа да боллукъдула. Бу магъаналыды Сатыучуну эмда алыучуну ол порталда шагъатлыкъны ётген регистрация жазыулары болургъа керекди; Эки инсанны да паспортлары; Сатыучу, Госуслуги порталгъа кирип, келишимни толтурады; Автомашина жюрютюучюлеге деп «Госуслуги Авто» мобильный приложение жарашдырылгъанды. Тазир салыннган эсе, ол аны юсюнден билдиреди, тёлерге да онг береди. Дагъыда электрон документлени кёргюзтеди, ДТП болса, европротоколну жарашдырыргъа болушады. Улбашланы Мурат хазырлагъанды.
Поделиться: ЧИТАТЬ ТАКЖЕ:
|