Республиканы Курортла эм туризм министерствосуну сайтында билдирилгенича, тёрт жылны ичинде Россейни ичинде туристлени саны 50 процентге кёбейгенди. Сбераналитиканы эсеплерине кёре, эм уллу ёсюм Къарачай-Черкесдеди (3,1 кереге), Къабарты-Малкъар (2,2 кереге) экинчиди, ючюнчю жерде уа Тюмень областьды (1,8 кереге).
Эм кёп адам Москвагъа келирге сюйгенди, быйыл жолоучулукъгъа чыкъгъанланы 13,6 проценти ара шахарда, 12,7 проценти уа аны областында солугъандыла. Санкт-Петербургну – 8,6 проценти, Краснодар крайны уа 7,1 проценти сайлагъандыла. 
Сбераналитика эсеплени 106 миллион алыучу бла 6 миллион организация этген сайлаулагъа кёре жыйышдырады, ол тюрлю-тюрлю рыноклада болумну ачыкъларгъа онг береди.
Кульчаланы Зульфия.