Бусагъатда Къабарты-Малкъарда малланы иги кесеги жайлыкълада кечинедиле. Белгилисича, тау бетледе эм эл тийреледе отлагъан ийнеклени сютлерине да иги къошулады. Аны бла бирге аны къурамы да игилендириледи.
Быйыл жауунлу жыл болгъаны себепли, ханс иги ёсгенди. Аны ючюн бир-бир мюлкледе кырдыкны экинчи кере чалып, мал аш хазырлагъанла да бардыла. Дагъыда мирзеуню оргъандан сора, саламындан тёгерек неда тёртгюл батанла этип, къыстырыкъла къурайдыла.
Шимал Кавказны статистика управлениясындан билдиргенлерича, бюгюнлюкде Къабарты-Малкъарны мюлклеринде 268,4 минг тууар саналады, андан 136,7 минги ийнекледиле.
Быйыл беш айгъа сютден 183,1 минг тонна алыннганды. Былтыр бу заман бла тенглешдиргенде, ол 1,1 процентге кёпдю.
Курданланы Сулейман.