|
ХЭКУПСЭ ГЪЭСЭНЫГЪЭМ МЫХЬЭНЭШХУЭ ИРАТ
13 мая, 2023 - 09:35
Ди республикэм и Iэтащхьэ КIуэкIуэ Казбек КъБР-м и Правительствэм и Унэм лэжьыгъэ IуэхукIэ щыхуэзащ КъБР-м егъэджэныгъэмрэ щIэныгъэмкIэ и министр Езауэ Анзоррэ КъБР-м щIалэгъуалэм я IуэхухэмкIэ и министр Лу Азэмэтрэ. ЗэIущIэм щытепсэлъыхьащ щIэблэм дзэ-хэкупсэ гъэсэныгъэ яхэлъыным гулъытэ нэхъыбэ хуэщIын зэрыхуейм.
ЩIыналъэм и унафэщIым и псалъэм къызэрыхигъэщамкIэ, дызэрыт лъэхъэнэр къэплъытэмэ, ныбжьыщIэхэр, щIалэгъуалэр хэкупсэу, къэралым и къыщхьэщыжакIуэ нэсу гъэсэным гулъытэ хэха егъуэт. Абы иджыпсту иIэ мыхьэнэр зэрыиныр къыхагъэщ къэрал унафэр зыIэщIэлъхэми. КIуэкIуэ Казбек жиIар даIыгъыу, министрхэр тепсэлъыхьащ зи пашэ IэнатIэхэм абы и лъэныкъуэкIэ щызэфIагъэкI лэжьыгъэхэм. Республикэм и Iэтащхьэр гупсэхуу едэIуащ министрхэм икIи къыхигъэбелджылыкIащ дзэ-хэкупсэ гъэсэныгъэм и унэтIыныгъэ псоми адэкIи зэрызегъэужьыпхъэр: ар зи къалэн IэщIагъэлIхэр гъэхьэзырын хуейщ, методикэм хэплъэжыпхъэщ, апхуэдэуи IэнатIэхэр зэпыщIауэ а лэжьыгъэр зэфIагъэкIын хуейщ.
КIуэкIуэ Казбек министрхэм къалэн ящищIащ щIэблэм дзэ-хэкупсэ гъэсэныгъэ егъэгъуэтыныр зэребгъэфIэкIуэфыну Iэмалхэмрэ хэкIыпIэхэмрэ къыщыгъэлъэгъуа проектхэр яубзыхуну, а унэтIыныгъэмкIэ республикэм щекIуэкI Iуэхугъуэ псори зэзыгъэуIу ахэр хъун хуэдэу.
|
15.05.2024 - 09:32 Музыкэ театрым накъыгъэм и 7-м концерт гукъинэж щитащ Урысей Федерацэм, Къэбэрдей-Балъкъэр, Къэрэшей-Шэрджэс республикэхэм щIыхь зиIэ я артист, оперэ уэрэджыIакIуэ цIэрыIуэ, Музыкэ театрым и солист |
|
15.05.2024 - 09:31 Бахъсэн щIыналъэм хиубыдэ къуажэхэм фэеплъ пэкIухэр, зэIущIэхэр, зэхуэсхэр щрагъэкIуэкIащ Хэку зауэшхуэм ТекIуэныгъэр къызэрыщытхьрэ илъэс 79-рэ щрикъум ирихьэлIэу. |
|
15.05.2024 - 09:29 1941 - 1945 гъэхэм екIуэкIа Хэку зауэшхуэм ди къэралым ТекIуэныгъэ Иныр къызэрыщихьрэ илъэс 79-рэ зэрырикъур дэнэкIи Iэтауэ щагъэлъэпIащ. |
|
15.05.2024 - 09:27 Прохладнэ районым и полицейхэмрэ жылагъуэ лэжьакIуэхэмрэ Прохладнэ къалэм щыпсэу, Хэку зауэшхуэм и ветеранхэу Ерохинэ Аннэ, Шайн Владимир, Головин Владимир сымэ я деж щыIащ икIи ТекIуэныгъэм и маху |
|
15.05.2024 - 09:25 Хэку зауэшхуэр зымылъэгъуа щIэблэр абы теухуа уэрэдхэм, усэ-хэм дыщедаIуэкIэ, фильм дыщеплъыжкIэ, дэтхэнэми и щIыфэр егъэтхытх, гущIэгъуншагъэрэ залымыгъэу зэрахьамрэ зыхэтщIэу. |
|