КъМР-ни Кёп функциялы арасында Ич ишлени министерствосуну республикада бёлюмлерини келечилери бла тюбешиу болгъанды. Сёз анда МФЦ, миграцияны вопрослары жаны бла Управление, Информация ара эмда къырал автоинспекция бла бирге ишлеуню юсюнден баргъанды, деп билдиргендиле учрежденияны пресс-службасындан.Кенгешде быйыл биринчи тёрт айны ичинде эсеплени туура этгендиле. Алай бла бу кезиуде МФЦ-да сагъынылгъан министерствону иши бла байламлы быллай бир жумуш тамамланнганды. Ол санда:

– паспорт бериу неда алышындырыу - 3301;

– тыш къыраллы паспорт (ол санда электрон) бериу - 1135;

– РФ-ни гражданлары тургъан эмда жашагъан жерлеринде регистрация этиу – 6991;

– тыш къыралладан келген гражданланы эсеплеу – 820;

– инсан сюдню оноуу бла жууапха тартылгъаныны неда тартылмагъаныны юсюнден справка бериу – 2358;

– водитель удостоверенияла бериу – 1193.

Бу шартланы келтиргенден сора тюбешиуде къырал жумушланы бериуню болжалын къысхартыр амалланы юсюнден сёлешгендиле эмда арада байламлыкъланы андан ары кючлендире барыргъа, талай ишлени уа бирлешип тамамларгъа оноулашхандыла.
МФЦ-да айтханларына кёре, бюгюнлюкде аны къайсы бёлюмюнде да МВД-ны иши бла байламлы тогъуз тюрлю жумушну тамам этерге боллукъду.