Тхэквондодан республиканы олимпиада резервли спорт школу 2014 жылда къуралгъанды. Школну директору Беслан Канкулов билдиргенича, алада юйреннгенле жыл санларына кёре Россейни жыйымдыкъ командаларына киредиле. «Арт кезиуде тхэквондогъа сейир ёсе барады, спортчуларыбыз да аслам болгъандыла», - дейди ол.

Бюгюнлюкде анда 300-ден аслам спортчу юйренеди, ала бла сынамлы 10 тренер ишлейди. Ала жетишимли тхэквондочуланы хазырлауда жангызда спорт жаны бла айнытыу бла чекленмейдиле, сабийле ариу ниетли, низамлы болурларына да къайгъырадыла.

Спортчуланы усталыкъларын ёсдюрюр, аланы фахмуларын ачыкълар муратда учрежденияны кесинде да эришиуле къураладыла, ол санда олимпиада ауурлукъ къауумлада къыралны чемпионаты да. Ала да тренерлерин хорламлары бла къууандырадыла, Россейни, Европаны бла дунияны чемпионатларында бла биринчиликлеринде, спартакиадалада алчыланы къауумуна киредиле, жангызда былтыр 143 адам даражалы эришиуледе майдалла къытхандыла.

Кульчаланы Зульфия.