Ведомствола аралы «Россейни сабийлери-2023» оператив-профилактика ишлени кезиуюнде КъМР-де МВД-ны «Баксан» постда полицияны тамата лейтенанты Зарета Бесланеева Куба-Табаны 1-чи орта школуну башчысыны  юйретиу жаны бла орунбасары Мадина Кажарова бла бирге школчулагъа юйретиу ишле бардыргъандыла. 

Жыйылыуну кезиуюнде наркоманиядан сакъланыуну  эм акъылбалыкъ болмагъанлагъа наркотиклени законсуз сатыу-алыуну тохтатыуну юслеринден  сёлешиннгенди. 

Организаторла окъуучулагъа наркотиклени хайырланыу саулукъгъа къаллай заран келтиргенин юсюнден эм сатыу- алыу бла кюрешгенлени  РФ-ни законодательствосуна кёре къаллай жууаплыкъ сакълагъаныны юсюнден билдиргендиле.

Андан сора адамла наркотиклени хайырланнгандан сора къаллай аман ишлеге къатышханларына  юлгюле келтиргендиле.

Ишни кезиуюнде лекторла сабийлени сорууларына жууапла берип, тюбешиуню магъанасына келишген къагъытла юлешгендиле, деп билдиреди КъМР-де  Ич ишле министерствону пресс-службасы.

Холамханланы Алима.