Къышны ахырында – жаз башыны аллында кюн терк-терк тюрленеди, кюндюз къар эрийди, кечеге уа буз къатады. Жоллада къыйын болумла чыкъмазча Россейни МЧС-ни регионда бёлюмюнден эсгертиуле этилгендиле:

- алда чурум неда башха транспорт чыкъса, тохтатыргъа заман болурча ашыкъмай барыргъа;

- бузлагъан жолда машинаны терк тохтатмазгъа;

- терк бара тургъанлай рульну бир жанына ашыгъыулу бурмазгъа;

- жолда алда баргъан машинала бла къоркъуусуз араны тутаргъа, алагъа белгиленнгенинден бек жууукълашмазгъа;

- башхаланы озаргъа кюрешмезге;

- тормоз системаны, терезелени тазалаучуланы, жарыкъ бериучю приборланы, сигнализацияны ишлеулерин эсепде тутаргъа;

- адамла жолну жаяу ётген жерледе, юйлени эм билим бериу учрежденияланы къатларында бютюн эсли болургъа.

Жаяу жюрютгенлени кеслеринден да быллай болумлада эслилик изленеди.

Кульчаланы Зульфия.