Гъэлъэгъуэныгъэхэр

«Гранд-Кавказ» хьэщIэщым щагъэлъагъуэ «Палитра» выставкэм хагъэхьащ республикэм и художник цIэры­Iуэхэм я Iэдакъэ къыщIэкIа сурэт тхущIым щIигъу.

КъБР-м и СурэтыщIхэм я зэгухьэныгъэм и унафэщI Къаныкъуэ Жаннэ и гуапэу къыхегъэщ утыку кърахьа лэжьыгъэ­-   хэр зи IэдакъэщIэкIхэр плъыфэ зэхуэмыдэхэр къэгъэсэбэпы­-­ным зэрыхуэIэкIуэлъакIуэр зэрынэрылъагъур, а плъыфэхэр я ­лъабжьэу гъуазджэм и фIыпIэкIэ узэджэн сурэтхэр къызэрагъэщIыр. 
Выставкэм щагъэлъагъуэ Тураев Рустам, Ермолаевэ Аннэ, Аккизовхэ Сиярэрэ Имарэрэ, Уэрэзей Аслъэн, Чеченов Юрий, Иванниковэ Ольгэ, Зеленская Юля сымэ, нэгъуэщIхэми я лэжьыгъэхэр. Абыхэм яхэтщ япэу утыку кърахьаи. Бзылъхугъэхэр, удз гъэгъахэр, щIыуэпсым и дахагъыр къызэрыщ сурэтхэм зыIэпашэ, хуабагърэ гуапагърэ къапкърокI, дэтхэнэ лэжьыгъэри уасэншэщ, щIэщыгъуэщ, щIэ гуэр къып­хузэIузыхщ. 
Печатым и махуэм ирихьэлIэу къызэIуаха выставкэм зы­кърезыгъэхьэлIа журналистхэм тыгъэ хуащIащ УФ-м и СурэтыщIхэм я зэгухьэныгъэм къыдигъэкIа альбомхэр. Гъэлъэгъуэныгъэм еплъыну гупыж зыщIхэм хъыбар фыдо­гъащIэ ар мазаем ику пщIондэ зэрыщыIэнур. 

Сурэтхэр  Къарей  Элинэ  трихащ.

ТЕКIУЖЬ Заретэ.