Файдасына налог тёлеген хар инсан, ол Россейни гражданини эсе, спорт клубха жюрюгени ючюн къоратхан ахчасындан налог вычетни алаллыкъды, деп билдиредиле республиканы Спорт министерствосундан.

Сёз ючюн, сиз бир жылгъа фитнесге неда тренажёр залгъа барыугъа 120 мингнге дери къоратхан эсегиз, андан 13 процентин – 15600 сомну къайтарыргъа боллукъсуз. Аны ючюн налог период бошалгъанчыгъа дери сизни иш бла жалчытхан организациягъа заявление жазаргъа керекди, анга кёре хакъыгъыздан болжаллы халда (вычет тёленип бошалгъынчыгъа дери) 13 процентни тыярыкъ тюйюлдюле. Экинчиси, кесигиз налог декларацияны берирге боллукъсуз (3-НДФЛ форма). Бу амалны хайырлансагъыз, физкультура-саулукъ кючлеу организациягъа жюрюгенигизни юсюнден келишимни копиясы, касса чек бла ахча келирча банк счётну реквизитлерин да берирге керекди.

Спорт вычетни жангызда кесигизге угъай, сабийлеригизге да алыргъа боллукъсуз, аны ючюн жыйгъан документлеригизге ала туугъанларыны юсюнден шагъатлыкъ къагъытланы да къошаргъа тюшерикди. Сабий ючюн вычетни эм уллу ёлчеми 6500 сомду.

Кульчаланы Зульфия.