Нальчикде УМВД-ны акъылбалыкъ болмагъанланы ишлери жаны бла инспекторлары школлада окъуучуланы ата-аналарыны жыйылыуларына къатышхандыла.  «Сакъ болугъуз, сабийле!» профилактика акцияны чеклеринде полициячыла алагъа жолда халланы юслеринден айтхандыла, сабийле асламында къаллай къоркъуулу болумлагъа тюшгенлерин ангылатхандыла. 
Инспекторла сабийлени жоллада ачыгъанларын азайтыр ючюн ала бла гитчеликден да ангылатыу ушакъла бардырыргъа кереклисине эс бургъандыла. Ала жолда жорукъланы бузаргъа жарамагъаны бла бирге, ол къаллай хатагъа келтиргенин да билирге керекдиле. 
Право  низамны сакълаучула ата-аналагъа сабийлери бла бирге юйден школгъа дери жаяу барыргъа, жолда белгилени ангылатыргъа, орамдан къалайтын ётерге жарагъанын айтыргъа чакъыргъандыла.  
Ахырында ата-аналаны кеслерин жууаплы болургъа, жорукъланы юслеринден айтхан бла чекленмей, кеслери да аланы сакълап, ёсюп келген тёлюге ариу юлгю келтирирге кереклисин белгилегендиле.