14 сентября, 2022 - 07:01
Къабарты-Малкъарны 100-жыллыгъын белгилеуню чегинде 17-22 сентябрьде Москвада республиканы маданиятыны кюнлери бардырыллыкъдыла.
Ара шахарны баш театрларыны бири – «Современникни» – сахнасында спектакльлерин регионну юч къырал театры кёргюзтюрюкдюле:
17 сентябрьде – Максим Горький атлы Орус драма театрны Ф. Достоевскийни «Преступление и наказание» романына кёре «Дело Раскольникова» спектакли, 19:00 сагъатда башланырыкъды;
18 сентябрьде – Къулийланы Къайсын атлы Малкъар къырал драма театрны Чингиз Айтматовну «И дольше века длится день» романына кёре «Ажашханла» спектакли, 19:00 сагъатда башланырыкъды;
19 сентябрьде – Али Шогенцуков атлы Къабарты къырал драма театрны Биттирланы Эдуардны драмасына кёре «Черкесская Жизель» спектакли, 19:00 сагъатда башланырыкъды;
20 сентябрьде – Къырал Кремль дворецде 19:00 сагъатда Къабарты-Малкъарны, Къарачай-Черкесни, Адыгеяны искусство усталарыны концерти боллукъду. Дворецни холлунда «Къабарты-Малкъар - Россейни жаухары»» деген кёрмюч къураллыкъды.
21 сентябрьде – Россейни шёндюгюлю тарыхыны музейинде 14:00 сагъатда Къабарты-Малкъарны къолдан усталарыны чыгъармаларыны бла суратлау искусствосуну кёрмючлери бардырыллыкъдыла.
22 сентябрьде – Москонцерт Холлда 19:00 сагъатда Къабарты-Малкъар къырал музыка театрыны артистлерини концерти боллукъду.