Кёп болмай «Россети Северный Кавказ» Каббалкэнерго» биригиу Къабарты-Малкъар къырал университетни илму лабораториясын къошакъ халда 369 кВт ток бла жалчытханды.

 Аллай бир электрокюч прогрессив материалла бла  аддитив технологияла ара кенгертилгени ючюн керек болгъанды. Ол кесине кёре сейир проектле бла кюрешген, полимер материалла хазырлау жаны бла  илму-техника  эм  сынам-производство  кластерди.  

Мындагъы технологияла къоруулау, аэрокосмос,  нефтепродуктла  жарашдыргъан эм башха  промышленностьлада да хайырланыладыла. 

Энди ток жетерча берилгенини  хайырындан алимле бийик технологиялы  оборудованияларын ишлетип башларгъа  эм жангы проектлерин бардырыргъа да  онг табарыкъдыла.

Бизни корр.