Волонтёр къымылдауну айнытыуну арасында Терроризмге къажау кюрешни кюнюнде  «тёгерек стол» бардырылгъанды. Жыйылгъанла «Жаш тёлюню арасында терроризмни бла экстремизмни профилактикасы. Терроризмни келир кюню жокъду!» деген теманы сюзгендиле.

Сёз  ёсюп келген тёлюде экстремизмни ниетлерини жайылыууну сылтауларыны, бу аманлыкълагъа къажау мадарланы юслеринден  баргъанды. Миллетлени эм динлени  араларында келишиулюкню сакълауну, акъылбалыкъ болмагъанла аманлыкълагъа къатышхан кезиуде жууаплылыкъны сорууларын да сюзгендиле.

 Ахырында ёсюп келген тёлюню сакъ болургъа, социальный сетьледе адамны динине, миллетине кёре кёрюп болмаугъа, террористлени тазалаугъа бурулгъан материалланы басмалазгъа чакъыргъандыла.

Тюбешиуге дин организацияланы келечилери, волонтёрла, студентле, КъМР-де МВД-ны экстремизмге къажау арасыны къуллукъчулары, право низамны сакълаучу ведомстволаны келечилери  къатышхандыла.

Тикаланы Фатимиа хазырлагъанды.