Къабарты-Малкъарны келечилери даражалы халкъла аралы кёрмючге къатышадылаКъМР-ни Башчысыны къуллугъун болжаллы халда толтургъан Казбек Коков Москвада «Арабия-Экспо 2019» 4-чю халкъла аралы кёрмючню ишине къатышады. Форум бизнесменлени Россей-араб советини «Россей –Араб дуния: эки жанына да хайырлы бирге ишлерге заман болгъанды» деген чакъырыу бла бардырылгъан 12-чи сессиясыны чеклеринде ачылгъанды. Ары Къабарты-Малкъардан дагъыда КъМР-ни Правительствосуну Председателини биринчи орунбасары – эл мюлк министри Сергей Говоров, КъМР-ни экономиканы айнытыу министри Рахайланы Борис, республиканы баш промышленность эмда эл мюлк предприятияларыны башчылары, предпринимательлени бла бизнесменлени къаууму баргъандыла. «Шимал Кавказны инвестиция онглары» деген панель сессияда СКФО-ну болуму, регионланы экономика, илму, билим бериу эмда гуманитар жаны бла тыш къыралла бла бирге жетишимли ишлеулерини сынауу сюзюлгендиле. Жууукъ Кюнчыгъышны къыраллары бла туризм, логистика, эл мюлк, къурулуш, отлукъ-энергетика, промышленность, финансла жаны бла да сатыу-алыу-экономика байламлыкъланы андан ары кючлендире барыуну юсюнден да сёлешиннгенди. Гитче регионлада бизнесге къырал болушлукъ этиуню амалларына, инвестиция проектлени жашауда бардырыу жаны бла хайырлы мадарлагъа, эки жанына да сейир болгъан башха магъаналы ишлеге да къаралгъанды. Сёлешиулеге РФ-ни Шимал Кавказны ишлери жаны бла министри Сергей Чеботарёв, Россейни Президентини СКФО-да толу эркинликли келечиси Александр Матовников, Шимал-Кавказ федерал округну субъектлерини башчылары, федерал министерстволаны бла араб къыралланы сатыу-алыу-промышленность палаталарыны, бизнесменлени Россей-Ливан советини да келечилери къатышхандыла. Ол кюн окъуна РФ-ни Шимал Кавказны ишлери жаны бла министерствосуну себеплиги бла «Кавказ юй» деген экспозиция ачылгъанды. Анда тыш къыраллы делегацияла сау жылны солургъа боллукъ «Эльбрус», «Архыз», «Ведучи» курортланы инфраструктураланы инвестицияла салыуну онглары бла шагъырейленнгендиле. Бюгюнлюкде Къабарты-Малкъарны бла араб къыралланы араларында бирге ишлеуню хайырлы бёлюмлерине туризм эмда рекреация сфера, курортда солууну эмда багъыуну къурау, аны айнытыу, АПК, эл мюлк продукцияны, сырьёну бла материалланы экспорту саналадыла. «Арабия-Экспо» халкъла аралы кёрмюч Москвада «Манеж» Ара кёрмюч залда биринчи кере бардырылады. Ол Россейни 85 регионун бла 22 араб къыралны, ол санда Сауд Аравияны,Бирикген Араблы Эмиратланы, Алжирни, Египетни, Тунисни да бирикдиреди.
Поделиться: ЧИТАТЬ ТАКЖЕ:
|