Гукъыдэжрэ дэрэжэгъуэрэ

Къэбэрдей-Балъкъэрым Iэтауэ ща­­гъэлъэпIащ Балъкъэр лъэпкъым и къэщIэрэщIэжыныгъэм и махуэр.

Илъэс 75-рэ и пэкIэ, гъатхэм, балъкъэрхэр зэрылъэпкъыу Хэкум ира­гъэкI­ри, Къэзахъстанымрэ Къыр­гъы­зымрэ ягъэIэпхъуауэ щытащ. Илъэс 13 дэкIа нэужьщ ахэр я щIыналъэм къагъэзэжыну хуит щащIар.  ГуфIэгъуэ ма­хуэр гъатхэпэм и 28-м ягъэлъапIэ. 1957 гъэм а махуэ дыдэм СССР-м и ­Совет Нэхъыщхьэм Iэ щIидзат Къэбэрдеймрэ Балъкъэрымрэ зы Автоном республикэу зэгуэзыгъэхьэ Унафэм. Балъкъэр лъэпкъым и къэщIэ­рэ­щIэжыныгъэм и махуэр 1994 гъэм яубзыхуащ икIи абы лъандэрэ илъэс къэс абы Iуэхугъуэшхуэхэр иращIэкI.
ГуфIэгъуэ зэхыхьэ нэхъыщхьэр мы гъэм щекIуэкIащ КъБР-м и Музыкэ ­театрым. IуэхущIапIэм и щIыхьэпIэм щагъэлъагъуэрт балъкъэр IэпщIэ­лъапщIэхэм я лэжьыгъэхэр, псом хуэ­мыдэу дахэт абыхэм къадэгъуэгуры­кIуэ алэрыбгъухэр. Зэхуахьэса сурэ­тыжьхэм  къытещырт  тхыдэ напэкIуэцI­хэмрэ балъкъэр лъэпкъым къыхэкIа, республикэм я IуэхущIафэкIэ цIэрыIуэ щыхъуа цIыху куэдрэ.
ХьэщIэхэр уэрэдхэмрэ къафэхэмкIэ гушхуэу ирагъэблагъэрт республикэм и сабий ансамблхэм.
ГуфIэгъуэ пшыхьым хэтащ УФ-м и Къэрал  Думэм  и депутат Геккиев ­Заур, Дунейпсо Адыгэ Хасэм и тхьэмадэ Сэхъурокъуэ Хьэутий, ­КъБКъУ-м и ректорым гъэсэныгъэ лэ­жьы­гъэмрэ социальнэ IуэхухэмкIэ и къуэ­­дзэ Геккиев СулътIан, жылагъуэ лэ­­жьа­кIуэхэр, студентхэр, нэгъуэщIхэри.
Балъкъэр лъэпкъым и махуэмкIэ къызэхуэсахэм ехъуэхъуащ КъБР-м и Iэтащхьэм и Администрацэм и Уна­фэщI Къуэдзокъуэ Мухьэмэд.
Пшыхьым зыкъыщагъэлъэгъуащ рес­публикэм и артист пажэхэм. Ап­хуэ­дэуи махуэшхуэм хуагъэхьэзырат балъкъэр лъэпкъым и тхыдэм щыщ Iыхьэ къызыхэщ макъамэ-хореографие лэжьыгъэр. Адыгэ, балъкъэр лъэпкъхэм я зэкъуэтыныгъэмрэ зэ-ныбжьэгъугъэмрэ къэзыгъэлъагъуэ къа­фэхэм я дахагъэм уихьэхурт.
 

КЪАНЩАУЭ Мэлычыпхъу.

Поделиться:

ЧИТАТЬ ТАКЖЕ:

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.

27.03.2024 - 13:58

БИЙМ ЗЫ ГУПУ ПЭЩIИГЪЭУВАТ

Тхыдэдж-щIэныгъэлI Сокъур Валерэ «Кърым зауэр къэзыхьа ХьэтIохъущокъуэ и къуэ Кургъуокъуэ - пщыхэм я Iумахуэт» зыфIища и тхыгъэм къызэрыхэщу, зи ныбжьыр илъэс 27-рэ фIэкIа мыхъуа Къаплъэн-Джэрий, I

27.03.2024 - 12:25

ДУНЕЙПСО ЗЭХЬЭЗЭХУЭР Я ПЛЪАПIЭУ

Мэзкуу областым и Рузэ къалэм иджыблагъэ щекIуэкIащ Олимп джэгухэм хыхьэ тхэквондо лIэужьыгъуэмкIэ (ВТФ) Урысейм пашэныгъэр къыщыхьыным хуэунэтIауэ ныбжьыщIэхэм, хъыджэбзхэмрэ щIалэхэмрэ я зэхьэзэх

27.03.2024 - 09:03

СИ ЖЭНЭТ

(ГъащIэ теплъэгъуэ)