ЕджапIэ нэхъыщхьэр къызыухахэм диплом плъыжьхэр иратыж

Налшык дэт Театр щхъуан­тIэм ­ бадзэуэ­гъуэм и 6-м щекIуэкIащ Къэ­бэрдей-Балъкъэр къэ­рал университетыр мы гъэм диплом плъыжь­кIэ къэ­зыухахэм я щIыхь­кIэ къызэрагъэпэща гуфIэгъуэ пшыхь.

ЗэIущIэм кърихьэ­лIащ КъБР-м и Правительствэм и УнафэщIым и къуэдзэ Къардэн Мурат, «ЭкономикэмкIэ еджапIэ нэхъы­щхьэ» щIэныгъэкъэ­хута­кIуэ университетым и профессор Болотов Виктор, КъБР-м и Проф­союз ор­ганизацэхэм я ­зэгухьэ­ны-­

­гъэм и унафэщI Амщы­-къуэ ФатIимэт, ­КъБКъУ-м и ректор Алътуд Юрий, еджапIэ нэ­хъы­­щ­хьэхэм я уна­фэщI­хэр, егъэджа­кIуэ­хэр, адэ-анэхэр.

ЕджапIэ нэхъыщхьэр ехъулIэныгъэфIкIэ къэзыухахэм псалъэ гуапэкIэ захуигъазэри, Правительствэм и УнафэщIым къыбгъэдэкI хъуэхъукIэ пшыхьыр къызэIуихащ ­Къардэн Мурат. Абы жи­Iащ ныбжьыщIэхэм хаша гъуэгу пэжым тетыну, зы­щIэ­хъуэпс лэжьыгъэ IэнатIэхэм ехъулIэныгъэфIхэр яIэу пэрытыну зэригуапэр.

- Сэ хуабжьу сыщогуфIыкI щIэныгъэ куу зыбгъэдэлъ щIалэгъуалэ зэчиифIэ куэд ди университетым къызэрыщIигъэкIым, - жиIащ Алътуд Юрий. - Шэч къытесхьэркъым абыхэм ди щIыналъэми, хамэ къэ­ралхэми я цIэр жыжьэу зыгъэIуфын IэщIагъэлI гъуэ­зэджэхэр къазэрыхэкIынум, зрагъэгъуэта щIэ­ны­гъэр къызэрагъэ­сэ­бэпы­­­-

фынум. Сыныво­хъуэхъу фи мурадхэр къы­вэхъулIэу фыпсэуну, лъэпкъми къэ­ралми яхуэфэщэн цIыху къыфхэкIыну.

Ректорым и псалъэхэм иужькIэ, КъБКъУ-р фIы дыдэу къэзыухахэм диплом плъыжьхэр иратыжащ. Мы гъэм ахэр цIыху 550-м ноблагъэ.

- Университетым уще­джэну хуабжьу хьэлэмэтщ, - жеIэ ехъулIэныгъэфIкIэ мы гъэм университетыр къэзыуха Жыгуэ Иннэ. - 2008 гъэм химие къудамэм сыщIэтIысхьащ. Ар къэзуха нэужь, филологие фа­культетым адыгэбзэмрэ литературэмкIэ и къудамэм и магистратурэм сы­щIэтIысхьэжащ. Магистратурэм сыщыщеджа илъэсхэм сыдахьэхащ бзэм, ­литературэм, лъэпкъ Iуэ­хум. Абы къыхэкIыу а унэ­тIыныгъэр си гъуазэу си мурадщ адэкIэ си еджэ­ным аспирантурэм щы­пысщэну.

ГуфIэгъуэ пшыхьыр ягъэдэхащ КъБКъУ-м и уэрэджыIакIуэхэмрэ къэфакIуэ гупхэмрэ.

ТАБЫЩ Динарэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.