Бу кюнледе спортну жай тюрлюлеринден Битеуроссей спартакиадала бардырыладыла. Алагъа къыралыбызда атлары айтылгъан 10 минг спортчу къатышырыкъдыла. Эришиуле спортну 40 тюрлюсюнде ётерикдиле. Къонакъбайлыгъ а 11 субъект этерикдиле.

Билдиргенибизча, республиканы жер-жерлеринде уруннган устазланы август кенгешлери быйыл бир кесек башхаракъ къуралып озгъанды. Ол онбешинчи августда башланып, жыйырма ючюнчюсюне дери болгъанды.

Быйыл окъуучусу орус тилден Бир къырал экзаменден жюз баллгъа тийишли болгъан устазларыбызданды Байдаланы Раиса. Ол Нальчикни онжетинчи номерли школунда бу предметден дерсле береди.

Президентни оноууна тийишлиликде, къыралда спортчуланы хазырлау эм физкультура жаны бла къошакъ билим бериу программаланы игилендириу жаны бла иш бардырылады.

«Динамо» обществону 100-жыллыгъына аталып, Нальчикде гитче-футболдан регионла аралы эришиу бардырылгъанды. Талай кюнню ичинде Сабий стадионда право низамны сакълаучу органланы Къабарты-Малкъарда, Къарачай-Черкесде, Чеченде, Шимал Осетия-Аланияда бёлюмлеринден 10 команда эришгендиле.

Нальчикде 2-чи Тамань дивизияны орамында жангы спорт объект – баскетбол ойнарча зал боллукъду.

Республикада социал магъаналы объектлени, ол санда уа спорт мекямланы,  бютюн толу хайырланыр  муратда жолланы тапландырыугъа аслам эс бурулады. Спорт министерстводан билдиргенлерича, ремонт 6 автомобиль жолну 33 километринде барады.

Жыл башланнганлы  «Россети Северный Кавказ»-«Каббалкэнерго» биригиу  ток ючюн борчларын жапмагъан 1 308 чакълы адамдан  сюдню  болушлугъу бла  7,5 миллион сом  алгъанды.

Тюнене, саулай къыралдача, Къабарты-Малкъарда да Россейни къырал байрагъыны кюнюн къууанчлы белгилегендиле. Эрттенликде республиканы район араларында анга аталгъан байрамла ётгендиле. Аланы бир ненчасына КъМР-ни Башчысы Казбек Коков да къатышханды.

КъМР-ни Табийгъат байлыкъла эм экология министерствосундан билдиргенлерича, озгъан шабат кюн,  иссиликге да къарамай, битеуреспубликалы субботникге он мингнге жууукъ адам чыкъгъанды.  Анга  министерстволаны  бла ведомстволаны, предприятияланы  бла  организацияланы келечилеринден тышында, элледен