Къабарты-Малкъарда келир жылда жолланы игилендирирча  алгъадан келишим этилгенди. Аны хайыры бла подряд организацияла  материал-техника ресурсларын хазыр этерге эм жылыла келгенлей  тынгылы  ремонт ишлени башларгъа  онг табарыкъдыла.

«Россети Шимал Кавказ» компанияны Къабарты-Малкъарда бёлюмюнде – «Каббалэнергода» конкурс башланнганды. «Алай болургъа жарамайды» деген чакъырыу бла къуралгъан эришиулеге, оборудованиягъа ремонт этген, электрокюч мюлкде объектледе жумушлагъа къарагъан специалистле кеслерин сынарыкъдыла.

Битеуроссей халкъ фронтну (ОНФ) Къабарты-Малкъарда бёлюмюню келечилери, Тырныауузда кёп фатарлы юйледен биринде таза суу бла жалчытыу тап болурча этгендиле.

Тёгерекдеги къудуретни багушландырыудан къутулурча, тазалыкъгъа хар ким да эс бурургъа, жууаплы болургъа, тийишли ишлеге къатышыргъа керекди. Аны айтханда, анда эмда экологияны тазалауда кёп тюрлю жумуш барды, ол санда – кир-кипчикни айырып жыйыуну да белгилерге керекди.

Москвада КъМР-ни Башчысы Казбек Коков Россейни Правительствосуну Председателини орунбасары -промышленность эм сатыу-алыу министри Денис  Мантуров бла ишчи тюбешиу бардыргъанды.

РФ-ни Цифралы айнытыу, связь эмда аслам коммуникацияла жаны бла министерствосу кесини  телеграм-каналында  «Цифралы кемчиликлени кетериу» деген къыйматлы  проект жашауда  къалай тюрлю бардырылгъанын ангылатханды.  

Ноябрьни ал кюнлеринде «Агъачны сакълайыкъ» деген битеуроссей акция башланнганды. Аны чеклеринде   Къабарты-Малкъарда  60 минг терек  орнатыллыкъды. Ала республиканы агъач питомнигинде ёсдюрюлгенледиле.  

Бу кюнледе  Москвада Хорламны музейинде  РФ-ни  Жамауат палатасыны «Сообщество»  форуму бардырылгъанды. Ол быйылны эсеплерин чыгъарыугъа жораланнганды.

Россейни эл мюлк министри Дмитрий Патрушев министерствону оператив штабыны кезиулю кенгешин бардыргъанды. Анда сабан ишле къалай бардырылгъанларыны, аграрийлеге къыралдан болушлукъ бериуню, аш-азыкъ рынокда багъаланы юслеринден да сёлешиннгенди.

Алгъаракъда билдиргенибизча, Магас шахарны администрациясы Къулийланы Къайсынны 105-жыллыгъына жораланнган чыгъармачылыкъ конкурсну бардыргъанды. Анга къатышыргъа сюйгенлени жыл санларына чек салынмагъанды. Эсселерин бу эришиуге школчула бла бирге пенсиячыла да жиберирге эркин эдиле.