Быйыл Къабарты-Малкъарда «Гитче эм орта  предпринимательство эм  энчи   предприниматель башламчылыкъгъа болушлукъ тапдырыу» миллет проектге кёре, фермерле бла эл мюлк кооперациягъа танг болушлукъ этилликди. Ол санда   грант бла  субсидиядан  72,55 миллион сом бёлюнюрюкдю. Андан 71,82 миллион сом  федерал эм  0,73 миллион  республикалы бюджетге жетеди. Аны юсюнден бизге регионну Эл мюлк министерствосуну пресс-службасындан билдиргендиле.

Сёз эл мюлк кооперацияла бла фермерлеге берилген  «Агростартап» грантны юсюнден барады. Ол бизнес-планы  конкурсда хорлагъан мюлкге производствосун айнытыугъа, къурулуш бардырыугъа эм башха  къоранчланы бир кесегин жабаргъа бериледи.

Аны бла бирге   республиканы эл мюлк бёлюмюнде къармашханла льготалы ёнкючлени да тири хайырланадыла. Сёз ючюн, былтыр къысха заманда тёленирча  815 миллион сом кредит берилгенди. Ол санда льготалы инвестиция ёнкючледен да  1260 миллион сом.

Бизни корр.