Къабарты-Малкъарда Оператив штабны оноууна кёре,  коронавирус инфекция жайылгъаны бла байламлы ал кезиуледе кийирилген чеклени  бир къаууму  кетериледи.

 Къабыл этилген документге кёре, акъылбалыкъ болгъан инсанланы, аланы антителаларын  кёргюзтген ковид-сертификатлары бар эсе, жамауат аслам жюрюген ашханалагъа, маданият юйлеге, юй къурагъанда инсан болумланы юсюнден жазыу этген мекямлагъа, кинотеатрлагъа, спорт заллагъа, боссейинлеге, къонакъ юйлеге, чачны къыркъдыргъан жерлеге, сауналагъа жиберликдиле.

Аллай сертификаты болгъан, жыл саны 60 жылдан аталагъан эсе, эшикге чыкъмай туруудан да бош этиледи. Энди аш -суу жюрюген жамауат жерле кече сагъат экиден эртенликде алтыгъа дери жабылып турургъа керекдиле. Алгъын ала кече 23 сагъатдан эртенликде 6 сагъатха дери жабылып тургъандыла.  

Аллай тыйгъычла жамауатха аш-суу хазырлагъан жерлеге -автовокзаллагъа, аэропортлагъа, отлукъ къуйгъан станциялагъа,   ачыкъ верандалагъа эм террасалагъа, азыкъ хазырлагъан стационар жамауат жерлеге эм сатыу алыуну тышына сатхан кафелеге сингдирилмейдиле.

 Энди эртенликде 6 сагъатдан тебиреп,  экинчи кюн кече 2 сагъатха дери (алгъын 6 сагъатдан тебиреп, 23 сагъатха дери) жамауат аш -азыкъ хазырлагъан жерлеге адамла олтургъан ашханаланы толуулары битеу да мекямда олтурургъа жарарырыкъ жерелни 75 процентинден кёп болмазгъа керекдиле эм  ала ишлерин ачыкъ хауа да не да дистанция амал бла бардыра тийишлидиле, деп билдиргендиле КъМР-ни Башчысыны бла Правительствосуну  пресс-службасындан.  

Бизни корр.