Былтыр Къабарты-Малкъарда эки жыйырмадан артыкъ предприятиягъа тутхучлукъгъа къыралдан льготалы ёнкюч берилгенди.
Аны 26 мингден аслам компания алгъанды. Алай бла 650 минг ишчи жерни сакъларгъа онг табылгъанды.
Сагъынылгъан программа бла Къабарты-Малкъарда да 43 предприятиягъа 114 миллион сомгъа льготалы ёнкюч берилгенди. Аланы жарымындан асламы аш-азыкъ продукция чыгъаргъанладыла.
Жылгъа ючпроцентлик ставкасы бла берилген ёнкюч ахча пандемияны кезиуюнде иш артыкъ бармагъанда, бизнесге уллу себеплик этгенди. Банк кредитни гитче ставка бла бергенликге, аны къоранчын льгота халда къырал жапханды.
Бизни корр.
