Россейни тхэквондодан сангырау спортчуланы араларында бардырылгъан чемпионатында республикабызны спортчулары юч майдал къытхандыла. Эришиуле Подмосковьяда ётдюрюлгендиле, алада хорлагъанлагъа Сурдолимпиада оюнлада сермеширге эркинлик берилгенди.

Къабарты-Малкъардан «кёруги» (сермешле) бёлюмде алтын майдалланы Мадина Сатушиева (49 кг.) бла Татьяна Жилова (+67 кг.) къытхандыла, Милана Кушхова (67кг.) «доммакъны» алгъанды. Алай бла  тёртжыллыкъны эм магъаналы эришиулерине Сатушиева бла Жилова къатышырыкъдыла. Эсигизге салайыкъ, Мадина дунияны чемпионуну, Татьяна уа дунияда ючюнчюдю, алай Бразилияда оюнлада ол рейтингин кётюрюрге боллукъду.

         Спортчуланы тренер  Амир Ахметов юйретеди.

Кульчаланы Зульфия.