Жеттеланы Хусейинни жашы Аскер  2011 жылда Бедикде  орта школну бошагъан эди. Андан сора ана къарындашы Ёзденланы Тахир бла тау жайлыкълада къойла кютюп тургъанды. Ол себепден малны бек сюеди. Ол ишде кёп жыл урунур акъылы да бар эди.
Болсада жашау кесича оноу этгенди. Жашха ол ишин къоюп башхасына кёчерге тюшгенди. Бюгюнлюкде ол «Приэльбрусье» миллет  паркда  урунады.  Къуругъан неда къар, жел аудургъан тереклени кесип кетереди, кийик жаныуарлагъа туз  салады. Андан сора да,  кёп жумуш  тындырады.
Таматала Аскерни ишлегенин жаратадыла, хар заманда атын юлгюге айтадыла. 
Мындан арысында да кёп жылланы бет жарыкълы урунсун.