Кёп болмай КъМР-ни  Правительствосуну Председателини биринчи орунбасары Сергей Говоров, экономиканы айнытыу министри Рахайланы Борис ишчи жолоучулукъларыны кезиуюнде  Чегем районда болгъандыла. Аны чеклеринде ала муниципалитетни башчысы Юра Борсов бла бирге Экинчи Чегемде  юй къанатлыланы  этинден аш-азыкъ  продукция жарашдыргъан предприятияны да жокълагъандыла,  деп билдириледи муниципалитетни пресс-службасындан. 
Бюгюнлюкде мында  жылгъа он минг тонна  эт жарашдырыргъа, аны бла бирге бийик технологиялы оборудованияны хайырындан жюзден аслам продукция чыгъарыргъа онг барды. Предприятие жалгъан къошакъла этилмеген, ГМО-су болмагъан таза эм качестволу продукциясы  бла белгилиди. Ол себепден аны  продукциясына   тыш  регионлада  да  уллу сурам барды.
Производствода   иш хакъны орта ёлчеми 30-33 минг сомгъа жетеди. Цехле толу кюч бла ишлеп башласала уа, иги кесек адамгъа  жангы ишчи жерле къураллыкъдыла. 
Сергей Говоров бла Рахайланы Борис кёргенлерин жаратып иги  багъа бичгендиле. 

Курданланы 
Сулейман.