КъМР-ни Эл мюлк министерствосундан билдиргенлерине кёре, озгъан жыл мирзеулюк эм къудору битимледен 1,320 миллион тонна жыйылгъанды. Ол а башха жылладан эсе он процентге кёпдю.

Тирликни асламысы нартюхге жетеди. Былтыр республикада биринчи кере андан бир миллион тонна алыннганды - хар гектрадан 71 центнер.

- Озгъан жыл бай тирлик жыйылгъанына агротехника мадарланы заманында этилгенлери, иги урлукъ хайырланнганы, сугъарыу бардырылгъаны, семиртгичле салыннганлары да себеплик этгендиле. Аны бла бирге арендаторла сабанлыкъладан эки кере тирлик алырча амалла да излейдиле. Анга кёре жыл сайын тирликге къошула барады, - дейди КъМР-ни эл мюлк министри Хасан Сижажев.

Ол айтханнга кёре, мирзеу ёсдюрюу эл мюлкню къыйматлы бёлюмлеринден бириди. Ол себепден сабанчыла дайым жангы жетишимлеге итиннгенлей турадыла.

Магометланы Сулейман.