«Каникулы с Общественным советом» Урысейпсо акцэм хыхьэу «Вершина» санаторэм къыщызэIухащ «Лидер» сменэм и етIуанэ Iыхьэр. Хабзэ зэрыхъуауэ, загъэпсэхуну, гъэ еджэгъуэщIэм щищIидзэжым ирихьэлIэу къару зрагъэгъуэтыну мыбы къэкIуащ республикэм и куей зэмылIэужьыгъуэхэм къикIа школакIуэ 50.
Сабийхэм псалъэ гуапэкIэ зыхуагъэзащ Урысей МВД-м Налшык къалэмкIэ и Управленэм и унафэщIым и къуэдзэ - полицэм и унафэщI Жантуев Залым, къалэ Управленэм Балигъ мыхъуахэм я IуэхухэмкIэ и унафэщI Шорэ Маритэ, КъБР-м Сабийм и хуитыныгъэхэмкIэ и Уполномоченнэм и лэжьыгъэр къызэгъэпэщынымкIэ IэнатIэм и чэнджэщэгъу Манияевэ Ламия, КъБР-м щыIэ МВД-м дэлажьэ Жылагъуэ советым и тхьэмадэм и къуэдзэ КIыщыкъуэ Иринэ, «Развитие» псапащIэ фондым щIалэгъуалэ программэхэр щызэзыгъэуIу КIыщыкъуэ Назир сымэ.
ХьэщIэхэм ныбжьыщIэхэм жраIащ гукъыдэж яIэу,сэбэп къахуэхъуу санаторэм зэманыр щагъэкIуэну, зэрагуапэр, абы щхьэкIэ физкультурэмрэ спортымрэ я Iэпэгъуу щытын зэрыхуейр.
Полицейхэм цIыхухэм иратащ Урысей МВД-м Налшык къалэмкIэ и Управленэм къыбгъэдэкI саугъэтхэр - стIолыщхьэ джэгукIэ зэмылIэужьыгъуэхэр.
ЗэIущIэм пащэу, школакIуэ цIыкIухэм гимнастикэмкIэ я зэфIэкI ягъэлъэгъуащ, уэрэд жаIащ, къэфащ.