Операцэ ящIынухэр къыхах

«Валео Вита» клиникэм зи нэпкъпэпкъым дагъуэ иIэу къалъхуа сабийхэм я щытыкIэр къахутэу Iуэху щхьэпэ щекIуэкIащ. Хирургие IэмалхэмкIэ дэIэпыкъуэгъу узыхуэхъуфыну цIыкIухэр къыхихащ, апхуэдэуи адэ-анэхэм чэнджэщ щхьэпэхэр яритащ жьэ къупщхьэ-нэпкъпэпкъ хирургиемкIэ дуней псом щыцIэрыIуэ, дохутыр Iэзэ Баиев Хьэсэн.
«Операция улыбка» Iуэхум хэту къыхалъхьа дэIэпыкъуныгъэр пщIэншэщ, ар «ХъуэпсапIэхэр нахуапIэ мэхъу» псапащIэ фондыр я щIэгъэкъуэну ирагъэкIуэкI.
Сабий 30-м еплъати, операцэ ящIыну 6 къыхахащ, мыдрейхэм я щытыкIэр нэхъ тынш зэрыщащIын чэнджэщхэр иратащ. Операцэхэр фокIадэм и 26-м къыщыщIэдзауэ жэпуэгъуэм и 5 пщIондэ Грознэ къалэм щрагъэкIуэкIынущ Америкэмрэ Европэмрэ я хирург пажэхэм. Абы зыхуагъэхьэзыру сабийхэм я узыншагъэр къызэрахутэну медицинэ къэпщытэныгъэхэм текIуэдэну мылъкур «ХъуэпсапIэхэр нахуапIэ мэхъу» псапащIэ фондым къыбгъэдэкIынущ.
Адэ-анэхэм фIыщIэ хуащI апхуэдэ Iуэху щхьэпэр къызэзыгъэпэщахэм икIи къыхагъэщ Баиев Хьэсэн гущIэгъу зиIэ, цIыхугъэ зыхэлъ, нэгъуэщIым и гуауэр зыхэзыщIэ дохутыр Iэзэу зэрыщытыр.

ЩхьэщэмыщI Изэ.

Поделиться:

ЧИТАТЬ ТАКЖЕ:

29.03.2024 - 08:57

ХЬЭЩIЭХЭМ ДЫКЪЫХАГЪАЩIЭ

Урысей Ипщэмрэ Кавказ Ищхъэрэмрэ регби 7-мкIэ пашэныгъэр къыщыхьыным теухуа зэхьэзэхуэ иджыблагъэ Налшык къалэм щекIуэкIащ.

29.03.2024 - 08:56

ГУАПЭУ ЯГУ КЪАГЪЭКIЫЖ

КъБР-м щIыхь зиIэ и журналист, Урысей Федерацэм, Къэбэрдей-Балъкъэрым щэнхабзэмкIэ щIыхь зиIэ я лэжьакIуэ, жылагъуэ лэжьакIуэ, «Советская молодёжь» газетым и редактор нэхъыщхьэу щыта Къардэн Мухьэм

29.03.2024 - 08:56

ХАДЭХЭКI ФIЭIУГЪЭХЭМКIЭ ДЫПАШЭЩ

Пхъэщхьэмыщхьэмрэ хадэхэкIымрэ къыхащIыкI консерву Кавказ Ищхъэрэм къыщыщIагъэкIым и процент 90-р Къэбэрдей-Балъкъэрым къылъос.

28.03.2024 - 09:03

АДЫГЭХЭМ Я КЪЕЖЬАПIЭР

   ЩIыгум и ныбжьым ебгъапщэмэ, псэ зыIут дунейм еплъытмэ, цIыхум къикIуа гъуэгуанэр кIэщI дыдэщ, тхыдэм и щапхъэхэмкIэ ар мащIэщ.

28.03.2024 - 09:03

КАСПИЙСК ЩЫЗОХЬЭЗОХУЭ

Кавказ Ищхъэрэм и щIыналъэхэм алыдж-урым бэнэкIэмкIэ я спортсмен нэхъ лъэщхэр, илъэс 24-рэ зи ныбжьхэр, иджыблагъэ щызэхуэсащ Дагъыстэным и Каспийск къалэм.