ДЫГЕЙ. Сабийхэм зыщагъэпсэху лагерхэм щIат ахъшэм и процент 50-р Ростуризмэм къаретыж. Республикэм зы мазэ хъуауэ щолажьэ щIыналъэ службэм и операторыр.

Абы цIыхухэр щегъэгъуазэ сабийм и зыгъэпсэхугъуэ пIалъэм текIуэда ахъшэм и ныкъуэр къэралым къузэритыж щIыкIэм. 2021 гъэм накъыгъэм и 10-м щегъэжьауэ фокIадэм и 20 хъуху пIалъэ гуэркIэ зыгъэпсэхуакIуэ ягъэкIуа сабийм «Мир» картэмкIэ пщIэ щIатамэ, абы и ныкъуэр къыхуралъхьэжынущ, ауэ зы путёвкэм щхьэкIэ сом мин 20 нэхърэ нэхъыбэ къратыжынукъым.
ЗыгъэпсэхупIэхэр къэралым ейми унейми зэхэгъэж щыIэкъым, ауэ ныбжьыщIэр жэщи-махуи щыIэу зыгъэпсэхугъуэ пIалъэр щрихьэкIауэ щытын хуейщ. Я бынхэр зыгъэпсэхуакIуэ щагъакIуэкIэ щIат ахъшэм и ны­къуэр махуитхум къриубыдэу адэ-анэм къаIэрохьэж, зы унагъуэм щыщу цIыкIу зыбжанэ лагерым ягъэкIуами, дэтхэнэм щхьэкIи уасэ ныкъуэр къахуокIуэж.