Урысей МЧС-м и Управленэ нэхъыщхьэу КъБР-м щыIэм щызэхалъхьэжащ 2022 гъэм псыхэм зыщыщагъэпскI пIалъэу жэпуэгъуэм и 1-м иухам кърикIуахэр.

КъызэднэкIа гъэмахуэм республикэм и щIыналъэм щы­зэтеублауэ щытащ зыгъэпс­кIыпIэу 6-рэ псым зэрытехьэ кхъуафэжьей гъэувыпIэу 4-рэ. ЦIыхухэм зыщагъэпсэхуну псы­хэр, гуэлхэр хабзэм къигъэу­-вым тету къыхахащ. Къегъэ­лакIуэхэр щыгъуазэ ящIащ апхуэдэ зыгъэпсэхупIэхэу цIыху куэд зэкIуалIэхэм къащыпэ­-щыт къалэнхэм икIи удосто­веренэхэр иратащ. Ахэр а Iэ­щIагъэм щыхурагъэджащ «Къэ­бэрдей-Балъкъэр къегъэлакIуэ IуэхущIапIэ» цент­-рым.
Къапщытэж пIалъэм а IэнатIэм ехьэлIауэ республикэм ­къэхъукъащIэу 9 щыIащ икIи, ди жагъуэ зэрыхъущи, псым хыхьэну хуит щамыщI щIыпIэ­хэм цIыхуи 7 щыхэкIуэдащ. 
ЩIыналъэ МЧС-м цIыхухэм я шынагъуэншагъэр псыхэм къыщызэгъэпэщынымкIэ и къудамэм, къегъэлакIуэхэмрэ щIы­пIэ самоуправленэхэм я лIы­кIуэхэмрэ ящIыгъуу псыхэм къэпщытэныгъэ 34-рэ щрагъэкIуэкIащ. 
Мэкъуауэгъуэм къыщыщIэ­дзауэ шыщхьэуIур хиубыдэу Къэбэрдей-Балъкъэрым псым ехьэлIауэ шынагъуэншагъэм и мазэ щрагъэкIуэкIащ, кIэ­лъыплъыныгъэ, профилактикэ Iуэхухэр хыхьэу. ЩIыпIэ самоуправленэм и IэнатIэм, къегъэ­лакIуэхэм, МВД-м я лIыкIуэхэр ящIыгъуу цIыхухэм зыщагъэп­сэхуну хухахахэм, апхуэдэуи зыщагъэпскIыну хуит щамыщI­-хэм я нэIэ тетащ. 
ЕджапIэхэмрэ сабийхэм я узыншагъэр щрагъэфIакIуэ лагерхэмрэ ныбжьыщIэхэми абы­хэм щылажьэхэми псым щы­сакъыным теухуа псалъэмакъ щхьэпэхэр драгъэкIуэкIащ. А лэжьыгъэм къызэщIиубыдащ цIыху 1800-м щIигъу икIи зытетыпхъэ хабзэхэр нэрылъагъу зыщI сурэтхэр зытет буклетхэр хуагуэшащ. 
КъБР-м ипсхэм цIыху щIы­щыхэкIуэдар щызэхагъэкIым къызэригъэлъэгъуащи, щхьэу­сыгъуэ нэхъыщхьэр хуит щамыщI щIыпIэхэм зэрызы­щагъэпс­кIарщ, псым фIыуэ    зэ­ремысыфырщ, адэ-анэхэм я нэIэ сабийхэм зэрытемы-тырщ. 
 

Дыгулыбгъу Жантинэ.