Минги тауда солугъанлагъа энтта бир хайырлы башламчылыкъ этилгенди – энди билетлеге кезиуню сакъламай, «Азаудан» «Къарабаши» станциягъа кётюрюлюр ючюн хакъны  «Мир» карта бла тёлерге боллукъду, деп билдиредиле республиканы Курортла эм туризм министерствосундан.
Аны ючюн картаны считывательге салып, жашил тюрсюн жаннгынчы сакъларгъа керекди, счётугъуздан 1400 сом алынырыкъды. Биргегизге шуёхларыгъыз болсала, ала ючюн да бу амал бла тёлерге жарайды, бир картаны ненча кере хайырланырыгъызгъа чек салынмайды. «Кавказ.РФ» обществону генеральный директору Хасан Тимижев айтханыча, ала бу сынамны Архызда, Ведучиде бла Шимал Осетияда ишлене тургъан Мамисонда да кийирир умутлудула.

хабибуллахланы Зульфия.