МЭКЪУМЭШ ХОЗЯЙСТВЭМРЭ ЕРЫСКЪЫПХЪЭХЭМ ЕЛЭЖЬ ПРОМЫШЛЕННОСТЫМРЭ Я ЛЭЖЬАКIУЭХЭМ Я МАХУЭМ ТЕУХУА КЪБР-М И IЭТАЩХЬЭМ И ХЪУЭХЪУ

8 октября, 2022 - 06:35

Ныбжьэгъу лъапIэхэ!
Фи IэщIагъэм ирилажьэхэм - Мэкъумэш хозяйст­вэмрэ ерыскъыпхъэхэм елэжь промышленностымрэ я лэжьакIуэхэм я махуэмкIэ сынывохъуэхъу!
А махуэм дэ догъэлъапIэ ерыскъыпхъэхэм я лъэныкъуэкIэ къэралым и шынагъуэншагъэр гъэбыдэным, цIыхухэм я псэукIэр егъэфIэкIуэным къып­хуэ­мы­лъытэным хуэдизу куэд хэзыщIыхьхэр. ЩIэкъузауэ икIи жэуаплыныгъэ хэлъу иужьрей илъэсхэм фэ евгъэкIуэкI лэжьыгъэм и фIыгъэкIэ Къэбэрдей-Балъкъэрым и мэкъумэш IэнатIэм псынщIэу зеужь икIи ехъулIэныгъэ нэрылъагъухэр къехь. Гъавэу кърахьэлIэм, лырэ гъэшхэкIыу къалэжьым хохъуэ, жыг хадэхэм заубгъу, пхъэщхьэмыщхьэмрэ хадэхэкIымрэ нэхъыбэ мэхъу. IэнатIэм кIуэтэху нэхъ нэгъэсауэ иджырей технологиехэр щIэгъэкъуэн щащI икIи ар сэбэп мэхъу продукцэм иIэ щIэупщIэр къэIэтынымкIэ, апхуэдэу мэкъумэшхэкIхэм нэхъри нэхъ куууэ елэ­жьы­нымкIэ. А псори, шэч хэмылъу, зи фIыщIэр псом япэу фэращ.
ФIыщIэ ин фхузощI апхуэдэу егугъуу, IэкIуэлъакIуэу фызэрылажьэм икIи къыхэфха Iуэхум пэжыгъэкIэ фызэрыбгъэдэтым папщIэ. Дэ адэкIи мэкъумэш  IэнатIэм сыт и лъэныкъуэкIи зыщIэдгъэкъуэнущ, абы зиужьын, къуажэдэсхэм я псэукIэр нэхъ дахэ икIи иджырей зэманым къезэгъ хъун папщIэ тхузэфIэкI къэдгъэнэнукъым.
СигукIи си псэкIи сынывохъуэхъу узыншагъэ быдэрэ ефIэкIуэныгъэрэ фиIэну, Къэбэрдей-Балъкъэрым, зэрыщыту Урысейм адэкIэ заужьын папщIэ ехъу­лIэныгъэщIэхэр къэфхьыну.

  • 11 просмотров

Поделиться:

ЧИТАТЬ ТАКЖЕ:

11.05.2024 - 12:25

ЩIЭНЫГЪЭЛI УСАКIУЭХЭР

 Зэ еплъыгъуэкIэ къыпщыхъунщ литературэр математикэм, социологием, физикэм, экономикэм, биологием, нэгъуэщI щIэныгъэхэми зыкIи емыпхауэ.
11.05.2024 - 09:03

ТЕКIУЭНЫГЪЭМ ХУЭПАБГЪЭУ

Къэбэрдей-Балъкъэрым щыщ Прохладнэ щIыналъэм и Приближнэ къуажэм зи узыншагъэкIэ сэкъат зиIэ сабийхэр щрагъаджэу дэт школ-интернат №2-м и гъэсэн цIыкIухэр къыщыхэжаныкIащ Сочи къалэм и «Сириус» фед
11.05.2024 - 09:03

ТЕКIУЭНЫГЪЭМ И ЩIЫХЬКIЭ

ТекIуэныгъэм и махуэ къэблэгъам пежьэри, Кэнжэ къуажэм иджыблагъэ дзюдомкIэ зэхьэзэхуэ щрагъэкIуэкIащ. Абы щызэпеуащ 2011 гъэм къалъхуа ныбжьыщIэхэр - псори зэхэту 113-рэ.
10.05.2024 - 12:25

КIЭРЫХУБЖЬЭРЫХУР УАФЭМ НЭСАЩ

ЦIыхум и лъэр нихьэсащ хы лъабжьэми, къуршу щыIэм я нэхъ лъагэми, хьэршми. Ари хъунт и Iэужь къыщимынэу, щIыуэпсым хэмыIэбэу, пщIэ хуищIу щытатэмэ.
10.05.2024 - 09:03

ЗИ ПIАЛЪЭР ИКIАХЭР КЪУАЩЭНУКЪЫМ

2024 гъэм накъыгъэм и 1-м къыщыщIэдзауэ къару игъуэтащ хабзэщIэм - зи пIалъэр икIа, жьы хъуа гъэшхэкIхэр, псыхэкIхэр тыкуэнышхуэхэм я кассэхэм дяпэкIэ щыпхагъэкIынукъым.