Низамлылыкъ хорламгъа келтиргенди

7 октября, 2022 - 06:45

Нальчикде «Спартак» стадионда футболдан Юг зонаны жаш тёлю лигасыны 16-чы туру бардырылгъанды. Анга 2007 жылда туугъан спортчуладан къуралгъан командала къатышхандыла. Матчда «Спартак-Нальчик» бла «Сочи» клуб тюбешгендиле.
Биринчи таймда эки команданы да чабыууллары голлагъа келтирмегендиле. Спартакчыла низамлыракъ болгъандыла, сабыр ойнагъандыла. Къонакъ команданы келечилерине уа бузукълукълары ючюн талай кере сары карточкала окъуна кёргюзтюлгендиле. Экинчи тайм нальчикчилеге иги башланнганды: Джамбулат Кушхов, къаршчы къауумну къоруулаучуларындан къутулуп, гол ургъанды, 1:0 эсеп оюнну ахырына дери тюрленмегенди. 
Бу матчдан сора «Спартак-Нальчикни» жаш командасы таблицада алтынчы жерде барады. Ол бусагъатда лиганы экинчи къауумунда ойнайды, ары финалгъа чыгъалмагъан командала тюшгендиле. Спартакчыланы тренер Аскер Кушхов юйретеди, энди аланы Новороссийскни «Черноморец» эм Волгоградны Леонид Слуцкийни атын жюрютген школуну келечилери бла оюнла сакълайдыла, деп билдиредиле республиканы Спорт министерствосундан.
Эсгертиу: ЮФЛ Юг лига СКФО-ну бла ЮФО-ну футбол школларыны 2007 жылда туугъан спортчуладан къуралгъан командаларыны араларында бардырылады. Лиганы Футболдан россейли союз 2022 жылда къурагъанды, ол жаш тёлю лиганы бёлюмлеринден бириди.

  • 8 просмотров

Поделиться:

ЧИТАТЬ ТАКЖЕ:

13.05.2024 - 15:37

БОЛЖАЛЛАГЪА ТЮРЛЕНИУЛЕ КИЙИРИЛГЕНДИЛЕ

Быйыл мектеплени бошагъанла сайлау халда берлик Бир къырал экзаменледен къайсы болса да бирин жангыдан  жазаргъа онг табарыкъларыны юсюнден къыралыбызны Президенти Владимир Путин кесини жыл сайын Ф
13.05.2024 - 08:51

ТЮЗНЮ ТЕРСГЕ КИШИ ДА БУРАЛМАЗЧА

КъМР-ни Маданият фондунда 1941-1945 жыллада болгъан Уллу Ата журт урушда Хорламгъа жоралап «тёгерек стол» болгъанды.
13.05.2024 - 08:51

КАДЕТЛЕНИ АНТЛАРЫ

Элбрус районну В.Г.Кузнецов атлы 6-чы номерли школу патриот юйретиуню билим бериу программаны эм магъаналы кесегине сайлагъанды.
13.05.2024 - 08:50

ОГЪУРЛУ ЫЗ КЪОЙГЪАНДЫ

Мызыланы Жарахматны жашы Адрай Уллу Ата журт урушха къатышхан аскерчилерибизден бири болгъанды. Ол 1910 жылда Думалада туугъанды.
12.05.2024 - 10:01

ТОК БЛА СЫЛТАСУСУЗ БОЛУРЧА

Быйыл биринчи кварталда «Россети Северный Кавказ» биригиуню келечилери ара  сетьлеге  700-ге жууукъ  жангы абонентни къошуп,   ток бла сылтаусуз этгендиле.