Республикада социал магъаналы объектлени, ол санда уа спорт мекямланы,  бютюн толу хайырланыр  муратда жолланы тапландырыугъа аслам эс бурулады. Спорт министерстводан билдиргенлерича, ремонт 6 автомобиль жолну 33 километринде барады.

Алай бла воркаут-майданла, физкультура-саулукъландырыу комплексле бла стадионла адамла къыйынсыз жетерча боллукъдула. Аланы жаяу жюрюген жерлерине да къаралады. 6 объектден экисинде тапландырыу ишле бошалгъандыла, къалгъанларында да ахырына жетдириле турадыла. Жайны ахырына жангыртылгъан жолла хайырланыргъа берилликдиле.